Just Another Wordpress Blog

Just another WordPress.com weblog

Vansangva Online Democracy Discussions – အမြင့်ပျံငှက် အွန်လိုင်း ဒီမိုကရေစီ ဆွေးနွေးဝိုင်း

Vansangva Online Democracy Discussions အမြင့်ပျံငှက် အွန်လိုင်း ဒီမိုကရေစီ ဆွေးနွေးဝိုင်း

[display_podcast]

မိတ်ဆက်။ ကျွန်တော်များ Vansangva ဝိုင်းတော်သားများအနေနဲ့ http://www.vansangva.com မှာ တင်ပြဆွေးနွေးခဲ့တဲ့ အကြောင်းအရာတွေကို စုစည်းပြီး “ဒီမိုကရေစီအခြေခံတရားများ“ ဆိုတဲ့စာအုပ် ကို VANSANGVA ပထမအတွဲ အဖြစ် ထုတ်ဝေခဲ့ပြီး ဖြစ်တဲ့အလျောက်၊ အခုဆက်လက်ပြီး ဒီမိုကရေစီ နဲ့ပတ်သက်ပြီး သဘောတရားနဲ့ လက်တွေ့ပိုင်းတွေကိ်ု ပြည်ထောင်စုမြန်မာနိုင်ငံ နဲ့ ကမ္ဘာ့ နိုင်ငံတွေရဲ့ အတွေ့အကြုံတွေကို လက်လှမ်းမှီ သလောက် လေ့လာပြီး ဆက်လက် တင်ပြ ဆွေးနွေး သွားပါမယ်။ အဲဒီလိုဆွေးနွေးတင်ပြရင်း အခါအားလျော်စွာ အကြောင်းတရား တိုက်ဆိုင်သင့်လျော်မှုရှိတဲ့နေရာတိုင်း မှာ ပင်လုံ ကိုအခြေခံတဲ့ ဒီမိုကရေစီ နဲ့ချိန်ထိုးပြီးဆွေးနွေးသွားပါမယ်။

FREEDOM HOUSE ရဲ့မြန်မာနိုင်ငံ ဒီမိုကရေစီ ပြုပြင် ပြောင်းလဲရေး ဆိုင်ရာ ထုတ်ပြန်ချက် စစ်တမ်း။

လက်ရှိကျွန်တော်တို့နိုင်ငံ ကို ဒီမိုကရေစီ နိုင်ငံတခုအဖြစ်သတ်မှတ်လို့မရသေးပေမဲ့ ဒီမိုကရေစီ ဘက်ကို ဦးတည်ဖို့ အလားအလာ ရှိတဲ့ ပြုပြင်ပြောင်းလဲရေးတွေ ကိုစတင် နေတဲ့ နိုင်ငံတခုအနေနဲ့ နိုင်ငံတကာ နိုင်ငံရေးလေ့လာသုံးသပ်သူ ပညာရှင် တွေ ကဆိုပါတယ်။ အထူးသဖြင့် သတင်း မီဒီယာ တွေ လွတ်လပ်ခွင့် တွေရလာပြီး၊ ပုဂ္ဂလိက သတင်းဂျာနယ်တွေ၊ သတင်းစာတွေမှိုလိုပေါက်လာ တာကြောင့် ပြည်သူတွေအကြားမှာ ဒီမိုကရေစီ ဆွေးနွေးဝိုင်း တွေ မြိုင်မြိုင် ဆိုင်ဆိုင်ဖြစ်လာဖို့ နိုင်ငံရေး နယ်ပယ် တခု ပွင့်လင်း လာတယ်လို့မြင်ကြပါတယ်။ အမေရိကန်အခြေစိုက် FREEDOM HOUSE ကတော့ မြန်မာပြည်ကို သူတို့ရဲ့ ၂ဝ၁၃ ခုနှစ် လွတ်လပ်မှု ညွှန်းကိန်း ကိုတွက်ချက်ရာမှာ နိုင်ငံရေးအခွင့်အရေး Political Rights နဲ့ပတ်သက်ပြီး အနိမ့်ဆုံး ညွှန်း ကိန်း (ရ) ကနေ တဆင့် တက်ပေးလိုက်ပြီး နိုင်ငံရေး အခွင့်အရေး ညွှန်းကိန်း (၆) မှာ နှစ်ပေါင်းမြောက်မြားစွာအတွင်း ပထမဦးဆုံး အကြိမ် အဆင့်တဆင့် တိုးပေးလိုက်ပါတယ်။ အရင်က မြန်မာနိုင်ငံဟာ မြောက်ကိုးရီးယား နဲ့ တတန်းထည်း နိုင်ငံရေး လွတ်လပ်မှု မရှိဆုံး နိုင်ငံတခုအဖြစ် အနိမ့်ဆုံး ညွှန်းကိန်း (ရ) မှာ တောက်လျောက် ရှိနေခဲ့တာဖြစ်တယ်။ သို့ပင်ငြားလည်း FREEDOM HOUSE ရဲ့ နိုင်ငံအမျိုးအစား ညွှန်းကိန်းအရ မြန်မာနိုင်ငံဟာ NOT FREE ဆိုတဲ့ မလွတ်လပ်တဲ့ နိုင်ငံ အမျိုး အစား ထဲမှာ ရှိနေပါသေးတယ်။

မြန်မာ နိုင်ငံမှာတော့ ဒီမိုကရေစီ ခေတ်ကြီး ကို ရောက် နေကြ တဲ့သူတွေရှိသလို၊ ဘာဆိုဘာမှ မပြောင်းဘူး လို့ သုံးသပ် သူတွေ လည်းရှိ နေ ပါတယ်။ တခြား အုပ်စုတခုကတော့ ပိုနေမြဲ ကျား နေမြဲ status quo နဂိုအတိုင်း ဆက်လက် စခန်းသွားနေတဲ့ အုပ်စုလည်း အထင်အရှားရှိနေပါတယ်။ ဒီလို အမြင်အမျိုးမျိုး၊ ရပ်တည်ချက်အမျိုးမျိုး၊ ချည်းကပ်ပုံသုံးသပ်ပုံအမျိုးမျိုး အပေါ်အခြေခံပြီး လုပ်နည်းလုပ်ဟန် တွေ၊ လှုပ်ရှားပုံတွေ၊ ပြောဆိုရေးသားပုံတွေ အနာဂတ်ကို တမျှော် တခေါ် ရှုမြင်ပုံ vision တွေမှာ အမျိုးမျိုးကွဲပြားနေတာ ကိုတွေ့ရ မှာ ဖြစ်ပါတယ်။ တချို့ကတော့ တဖြည်းဖြည်းပြောင်းလဲသွားတဲ့ အယူ (gradualism) ကိုကိုင်စွဲပြီး တည်ဆဲ အဆောက်အအုံ (institutions) တွေထဲမှာပဲ ရေစုန်စီးပြီး လှုပ်ရှားကြမယ်၊ ဒါမှမဟုတ် ရောက်ရှိနေတဲ့အနေအထား (ဖြစ်စဉ်) ကနေ ပြောင်းလို့ ရသလောက် ပြောင်းယူသွားမယ်၊ တချို့ကလည်း တမဟုတ်ချင်းပြောင်းလဲတာ radical / revolutionary change ကို ရယူဖို့ဦးတည်ကြ မှာပါ။ ပိုနေမြဲ ကျားနေမြဲ အုပ်စုကတော့ အရင် စနစ်ဆိုး၊ ခေတ်ဆိုးထဲ က အမွေအနစ်တွေ ကို ဆက်လက်ထိမ်းသိမ်းဖို့ ကြိုးပမ်းသွားမှာ ဖြစ်တယ်။ ဘာပဲဖြစ်ဖြစ် ကျွန်တော်တို့နိုင်ငံရဲ့ ဒီနေ့ကြုံတွေ့ဖြတ်သန်းနေကြရတဲ့ နိုင်ငံရေး အခင်း အကျင်းထဲ မှာ ဒီမိုကရေစီ ဆိုတဲ့ စကားလုံးဟာ ရေပန်းအစားဆုံး အသုံးအများဆုံး စကားလုံး တလုံး ဖြစ်လာပါတယ်။ ဒါကလည်း ကောင်းမွန်တဲ့ လက္ခဏာတခုပါ။ လှုပ်ရှားပုံတွေ ဘယ်လိုကွဲလွဲလို့ အယူအဆတွေ ချည်းကပ်ပုံတွေ ဘယ်လို ပဲ ကွာခြားပေစေ ဒီမိုကရေစီ ဆိုတဲ့ စကားလုံးကတော့ အခင်းအကျင်း တခုလုံးရဲ့ အလယ်ဗဟိုမှာ ရှိနေတယ်ဆိုတာကို တော့ ငြင်းလို့မရပါဘူး။ ခေတ်ဟောင်း၊ စနစ်ဟောင်း၊ ခေတ်ဆိုးစနစ်ဆိုး ရဲ့ဆိုးမွေတွေ ကို ဆက်လက်ထိမ်းသိမ်းလိုတဲ့ အုပ်စုကလည်း လုပ်တော့သာ ဆန့်ကျင်ဖက် တွေလုပ်မယ် ပြောတော့ တမျိုး၊ ဒီမိုကရေစီ ဆိုတဲ့ စကားလုံးကိုတော့ ပါးစပ် ကချမဲ့ပုံမပေါ်ဘူး။ တနည်း အားဖြင့် ဒီအုပ်စုဟာ ဒီမိုကရေစီ ဆိုတဲ့ ဝေါဟာရနဲ့ ပဲ အတိတ် က အမွေဆိုး တွေကို ဆက်လက် ထိမ်းသိမ်း သွားမယ်လို့သန္နိဋ္ဌာန်ချ ထားဟန်ရှိပါတယ်။ နောက်တအုပ်စုကတော့ ဘေးထိုင်ဘုပြော အလုပ်ကိ်ုပဲ အလုပ်ကြီးတခုလို မမောနိုင် မပန်းနိုင် အရွေ့မပါပဲ လုပ်နေကြတဲ့ အုပ်စု ပဲဖြစ်ပါတယ်။ ဒီအုပ်စု ကတော့ ဘာပြီးဘာလုပ်မယ်၊ ဘယ်လိုခြေလှမ်းလှမ်းမယ်ဆိုတဲ့ strategic plan ကိုချမပြနိုင်ခဲ့ကြတာမို့ ဘေးထိုင်ဘုပြော သမားတွေ အဖြစ် အမြင်ခံနေကြရပေမဲ့ ရိုးသား ပြီး ဒီမိုကရေစီကို အငမ်းမရ အခုဆိုအခုလိုခြင်သူတွေ လည်း ဖြစ်တယ်။

ဘာပဲဖြစ်ဖြစ် ပြည်သူတွေရဲ့ အဆုံးစွန် သော အနာဂတ် ရည်မှန်းချက် ပန်းတိုင် ultimate goal ကတော့ ဒီမိုကရေစီ အပြည့်အဝရှိတဲ့ နိုင်ငံကိုထူထောင်ဖို့ပါပဲ။ အဲဒီပန်းတိုင်ကိုပဲ တစိုက် မတ်မတ် ဦးတည် ပြီး ချီတက်ကြရမှာပါ။ တခြားရွေးချယ်စရာလမ်းမရှိပါဘူး။ အဲဒီလို တခုတည်းသော ရည်မှန်းချက်ဆီကို ဦးတည်သွားရာမှာ ဒီမိုကရေစီ စနစ်ကို နှစ်နှစ်ကာကာယုံကြည်တဲ့ အင်အားစုအနေနဲ့ ခိုင်မာကျစ်လစ်တဲ့ အခြေခံ အုတ်မြစ် တခု (ဝါ) ခိုင်မာတဲ့ အခြေခံသဘောတရားတခုရဲ့ ဦးဆောင်မှုတော့ရှိရမှာဖြစ်ပါတယ်။ အဲဒီလိုမှ တိကျတဲ့ လမ်းညွှန် တခုမရှိရင် ပြည်သူ တွေ လျှောက်လှမ်းရမဲ့ ဒီမိုကရေစီခရီး ဟာ မှန်ကန်တည့်မတ်တဲ့ လမ်းကြောင်းပေါ်မှာ လျှောက်လှမ်းနေသလား၊ နဂိုရှိရင်းစွဲ လမ်းကြောင်း က သွေဖီ သွားသလား ဆိုတာ ကို ညွှန်ပြတဲ့ သံလိုက်အိမ်မြှောင်မရှိပဲ ပင်လယ်ပြင်မှာ ကမ်းမမြင်လမ်းမမြင် မျောနေတဲ့ သင်္ဘော တစီးလို ဦးတည်ရာ မဲ့ ရွေ့မျောနေပြီး ပြည်သူတွေ ရော်ရီမှန်းဆတဲ့ ဒီမိုကရေစီ တဖက်ကမ်းကို ဘယ်တော့မှ ရောက်နိုင်မှာ မဟုတ် ပါဘူး။ နှစ်ပေါင်း (၆ဝ) ကျော် အထောင်အသောင်းမက တဲ့ လူမျိုးပေါင်းစုံ အညတရ ပြည်သူတွေ ပေးလှူ၊ ပေးဆပ်ခဲ့ကြတဲ့ အသက်၊ သွေးချွေး၊ မျက်ရည်တွေ ဟာ စစ်မှန်တဲ့ ဒီမိုကရေစီ နိုင်ငံကြီးတည်ဆောက်ဖို့၊ စစ်မှန်တဲ့ ဖက်ဒရယ် ပြည်ထောင်စု နိုင်ငံကြီးတည်ဆောက်ဖို့ အတွက် ကြီးမားတဲ့ ပေးဆပ်မှုတွေ ဖြစ်တဲ့အလျောက် လူမျိုးပေါင်းစုံ ပြည်သူတွေ အနေနဲ့ ဒီမိုကရေစီအောင်ပွဲ သီးနှံတွေကို အမှန်တကယ် မြင်တွေ့ခံစားနိုင်ဖို့ အရေး ဒီနေ့ မနက်ဖန် ဒီမိုကရေစီတော်လှန်ရေးကြီးကို လက်ဆင့်ကမ်း ဦးဆောင်နေတဲ့၊ ဆက်လက် ဦးဆောင်နေဦးမဲ့ လူမျိုးပေါင်းစုံ မျိုးဆက်သစ် မြန်မာလူငယ် တွေ ရဲ့ ပုခုန်းပေါ်မှာ လေးလံတဲ့ သမိုင်း ပေးတာဝန် ကြီးတခုကျရောက်နေပြီဖြစ်ပါတယ်။ ပန်းတိုင်ဆိုလို့ တချို့ကပြောပါလိမ့်မယ်။ ဒီမိုကရေစီ ဆိုတာဖြစ်စဉ်သာ ဖြစ် တယ်၊ အောင်ပွဲပန်းတိုင်ရောက်သွားပြီဆိုတာမျိုးမရှိဘူး။ ရာစုနှစ်နဲ့ချီပြီး ဒီမိုကရေစီ ထွန်းကားနေတဲ့ နိုင်ငံတွေမှာတောင် ဒီမိုကရေစီဖြစ်စဉ် ကို အမြဲရှင်သန် နေအောင် မနားမနေလုပ်ကြရတဲ့ကိစ္စဖြစ်တယ်လို့ဆိုကြပါလိမ့်မယ်။ ဒါက ဒီမိုကရေစီ တကယ် ထွန်းကား တဲ့ နိုင်ငံတွေအတွက် တော့မှန်ပါလိမ့်မယ်။ ဒီမိုကရေစီရဲ့အသီးအပွင့်ကိုတခါဘူးမှ မခံစားရသေးတဲ့ နိုင်ငံတခု အနေနဲ့ကတော့ မျှော်မှန်းချက်ပန်းတိုင်တခုတော့ရှိကိုရှိရမှာပါ။ “ဒီမို” ဆိုတာ ပြည်သူ “ကရေစီ” ဆိုတာ အာဏာ ဆိုတဲ့ အဓိပ္ပါယ်နဲ့ပြည့်ဝ တဲ့ ဒီမိုကရေစီ ပန်းတိုင်တခုတော့ သတ်မှတ်ရပါမယ်။ တနည်းပြောရရင် တိုင်းပြည်ရဲ့အာဏာ ဟာမူလပိုင်ရှင်ဖြစ်တဲ့ ပြည်သူတွေရဲ့လက်ထဲကို စိတ်ချလက်ချ ပြန်ရောက်မှသာ ကျွန်တော်တို့ ရည်မှန်းတဲ့ ဒီမိုကရေစီ ပန်းတိုင်ကို ရောက်ပြီ လို့ဆိုနိုင်မှာဖြစ်ပါတယ်။

မြန်မာပြည်သူတွေအကြားမှာ ဒီနေ့ ကြုံတွေ့ဖြတ်သန်းနေကြရတဲ့ နိုင်ငံရေးအခင်းအကျင်း အပေါ် အမြင်အမျိုးမျိုး ရှိနေတဲ့ကြားထဲမှာ အမေရိကန် ပြည်ထောင်စု အခြေစိုက် FREEDOM HOUSE ခေါ် အနှောင်အဖွဲ့ ကင်းတဲ့ အဖွဲ့အစည်း တခုက၊ မြန်မာနိုင်ငံရဲ့ နိုင်ငံရေး အပြောင်း အလဲ တွေ နဲ့ပတ်သက်ပြီး တွေ့ရှိချက်နဲ့ သဘောထားအမြင် တွေကို အကျဉ်းသဘော မီးမောင်းထိုး ပြလိုပါတယ်။ FREEDOM HOUSE ဟာ တကမ္ဘာ လုံး မှာရှိတဲ့ သီးခြား လွတ် လပ် တဲ့ နိုင်ငံ ပေါင်း ၁၉၅ နိုင်ငံနဲ့ သူပိုင်ကိုယ်ပိုင် အငြင်းပွားပြီး ပဋိပက္ခ တွေနဲ့ရင်ဆိုင်နေရဆဲ နယ်နိမိတ် territories တွေဖြစ်တဲ့ West Bank, Gaza အစရှိတဲ့ ပလက်စတိုင်းနယ်မြေတွေ၊ အန္ဒိယနိုင်ငံရဲ့ Kashmir ဒေသ, တရုတ်နိူင်ငံ လက်အောက်မှာရှိနေတဲ့ Tibet အစရှိတဲ့ နယ်မြေ ပေါင်း ၁၄ နယ်မြေ တွေကို အစဉ်မပြတ် စောင့်ကြည့်လေ့လာ ပြီး နှစ်စဉ်နှစ်တိုင်း Freedom in the World ဆိုတဲ့ ကမ္ဘာ့နိုင်ငံအသီးသီး မှာ လွတ်လပ်မှု တွေ ဆုတ်ယုတ်သွားသလား တိုးတက်လာသ လား ဆိုတဲ့ စစ်တန်းကို ၁၉ရ၂ ခုနှစ်ကစပြီး ပုံမှန် ထုတ်လွှင့်ခဲ့ ပါတယ်။ ကမ္ဘာ့ နိုင်ငံတခု ချင်းစီရဲ့ နိုင်ငံသား လွတ်လပ်ခွင့် (Civil Liberties) နဲ့ နိုင်ငံရေး အခွင့်အရေး (Political Rights)၊ တွေ ကို လွတ်လပ်မှု ညွှန်းကိန်း Freedom Ratings အဆင့် အမြင့်ဆုံး (၁) ကနေ အနိမ့်ဆုံး (ရ)သတ်မှတ်ပြီး အဲဒီရရှိတဲ့ ညွှန်းကိန်းရဲ့ဖျားမျှခြင်း ကိုတခါ ထပ် တွက် ပြီး ဘယ်လိုနိုင်ငံ အဆင့်မျိုး ဖြစ်တယ် ဆိုတာကို FREE လွတ်လပ်မှုရှိသောနိုင်ငံ, PARTLY FREE တပိုင်းတစ လွတ်လပ်မှုရှိသောနိုင်ငံ, NOT FREE လွတ်လပ်မှုမရှိသောနိုင်ငံ, စသည်ဖြင့် အဆင့် (Status) သုံးမျိုးခွဲခြားပြီး သတ်မှတ် ပေးပါ တယ်။ အောက်ပါ FREEDOM HOUSE ရဲ့ဇယားကိုကြည့်ရင် ပြည်ထောင်စုမြန်မာနိုင်ငံ ဟာ ၂ဝ၁၂ နဲ့ ၂ဝ၁၃ မှာ FREEDOM RATING, CIVIL LIBERTY နဲ့ POLITICAL RIGHTS တွေမှာ အရင်က နှစ်ပေါင်းမြောက်မြားစွာ အနိမ့်ဆုံး အဆင့် ဖြစ်တဲ့ (ရ) အဆင့် ကနေ တိုးတက်မှုတွေတွေ့လာရမှာ ဖြစ်ပါတယ်။ ဒါပေမဲ့ နိုင်ငံအမျိုးအစား Status မှာတော့ NOT FREE လွတ်လပ်မှုမရှိ ဆို တဲ့ နိုင်ငံ အမျိုးအစား ထဲမှာ ဆက်လက် ရှိနေဆဲ ဖြစ်ပါတယ်။

Political rights ratings ခေါ် နိုင်ငံရေး အခွင့် အရေး ကိုညွှန်းကိန်း တန်ဖိုး သတ်မှတ် ရာမှာ တော့ နိုင်ငံတခုရဲ့ ရွေးကောက်ပွဲ ကျင်းပပုံ၊ ပါတီစုံစနစ်ကျင့်သုံးမှု၊ လူထုပါဝင်မှု၊ နဲ့ အစိုးရ တွေရဲ့ နိုင်ငံကို အုပ်ချုပ်ရာ မှာ ကျင့်သုံးတဲ့ လုပ်ထုံးလုပ်နည်း တွေကိုအခြေခံပြီး သတ်မှတ်ပါတယ်။ Civil liberties ratings ခေါ် နိုင်ငံသားလွတ်လပ်ခွင့် ကိုညွှန်းကိန်း တန်ဖိုး သတ်မှတ် ရာမှာ တော့ နိုင်ငံတခု အတွင်း လွတ်လပ်စွာပြောဆို၊ ရေးသားခွင့်၊ လွတ်လပ်စွာ ကိုးကွယ်ခွင့်၊ အရပ်ဘက် အဖွဲ့အစည်း နဲ့ နိုင်ငံ ရေး ပါတီ ဖွဲ့စည်းခွင့်၊ တရားဥပဒေစိုးမိုးမှု၊ နိုင်ငံသားတဦးခြင်းစီရဲ့ လုပ်ပိုင်ခွင့် နဲ့ နိုင်ငံသားတွေရဲ့ တကိုယ်ရည် အခွင့်အရေးတွေ အပေါ်အခြေခံပြီး သတ်မှတ် ပါ တယ်။ အဲဒီလို ညွှန်းကိန်းကို စနစ် တကျ တွက်ချက်နိုင်ဖို့အတွက် political rights နဲ့ပတ်သက်ပြီး မေးခွန်း ပေါင်း (၁ဝ) ခု နဲ့ civil liberties နဲ့ ပတ်သက် ပြီးမေး ခွန်း ပေါင်း (၁၅) ခုကို အခြေခံပြီး မေးခွန်းတခုစီအတွက် လွတ်လပ်မှု အနိမ့်ဆုံး ကို အမှတ် (သုံည) ကနေ လွတ်လပ်မှု အမြင့်ဆုံး ကို (၄) မှတ် အထိ FREEDOM HOUSE က ကမ္ဘာ့ ဒေသဆိုင်ရာ ကျွမ်းကျင်သူတွေ၊ ပညာရှင်တွေက အဆင့်ဆင့် အသေးစိပ် အသေအခြာ လေ့လာပိုင်းဖြတ်ပြီး အပြန်ပြန်အလှန်လှန် debate လုပ် ငြင်းခုံပြီးမှ အမှတ်ပေး ကြရပါတယ်။

ဆိုလိုတာက နိုင်ငံတခုဟာ လွတ်လပ်မှု နဲ့သက်ဆိုင်တဲ့မေးခွန်း တခုခြင်းဆီအတွက် အမြင့် ဆုံး အမှတ် (၄) ကိုချည်းရတယ်ဆိုပါဆို့ — political rights မေးခွန်း (၁ဝ) ခု အတွက် စုစုပေါင်း အမှတ် ၄ဝ ရရှိမှာဖြစ်ပြီး၊ civil liberties မေးခွန်း (၁၅) ခုအတွက် စုစုပေါင်း အမှတ် ၆ဝ၊ အားလုံးပေါင်းလိုက်ရင် စုစုပေါင်း အမှတ် (၁ဝဝ) ရရှိမှာဖြစ်တယ်။ [တကယ့်လက်တွေ့မှာတော့ အမှတ်ကို ရာနှုန်းပြည့် ရတဲ့ နိုင်ငံမရှိနိုင်ပါဘူး။] အဲဒီ လို political rights နဲ့ပတ်သက်တဲ့ မေးခွန်း (၁ဝ) ခု နဲ့ civil liberties နဲ့ပတ်သက်တဲ့ မေးခွန်း (၁၅) ကနေရရှိလာတဲ့ အမှတ် အသီးသီး ကို လွတ်လပ်မှု အမြင့်ဆုံး (၁) နဲ့ အနိမ့်ဆုံး (ရ) ဆိုတဲ့ အဆင့် (ရ) ဆင့် ထဲကိုဝင်အောင် အချိုးချလိုက်တဲ့ အခါမှာ အဲဒီနိုင်ငံဟာ political rights မှာ (၁) နဲ့ (ရ) အကြား ဘယ်အဆင့်မှာ ရှိတယ် civil liberties ကကောဘယ်အဆင့် ဆိုတာကိုရရှိပါတယ်။ အဲဒီ ရရှိလာတဲ့ အမှတ် (၂)ခုကိုတခါ ပျမ်းမျှခြင်းတွက်လိုက်ရင် Freedom Rating ခေါ် လွတ်လပ်မှုညွှန်းကိန်း ကို ရရှိပါတယ်။ Freedom Rating လွတ်လပ်မှုညွှန်းကိန်း ၁.ဝ နဲ့ ၂.၅ ကြားရရင် FREE ဆိုတဲ့ လွတ်လပ်မှုရှိတဲ့ နိုင်ငံအမျိုးအစားထဲမှာ သတ်မှတ်ပြီး ၃.ဝ နဲ့ ၅.ဝ ကြားမှာ ဆိုရင် PARTLY FREE တပိုင်းတစ လွတ်လပ်မှုရှိ တဲ့ နိုင်ငံအမျိုးအစား, ၅.၅ နဲ့ ရ.ဝ ဆိုရင် NOT FREE လွတ်လပ်မှုမရှိတဲ့ နိုင်ငံအမျိုးအစား ထဲမှာ သတ်မှတ်ပါတယ်။ အောက်ပါဇယားကိုကြည့်ရင် FREEDOM HOUSE ရဲ့ညွှန်းကိန်း တွက်ချက်ပုံ အသေးစိပ် ကို သိနိုင် ပါတယ်။

ဥပမာ အထက်ဖေါ်ပြပါ ပထမ ဇယားကိုပြန်ကြည့်ရင် ၂ဝ၁၁ ခုနှစ်အထိ ကျွန်တော်တို့ မြန်မာနိုင်ငံရဲ့ political rights နဲ့ civil liberties ညွှန်းကိန်းတွေဟာ (ရ) အသီးသီးဖြစ် တယ်။ အတိတ်ကာလမှာလည်း အနိမ့်ဆုံးမှာ တောက်လျောက်ရှိလာခဲ့တာပါ။ ဒီ တော့ political rights နဲ့ civil liberties ညွှန်းကိန်း (၂) ခုကို ပျမ်းမျှ တွက်တော့ Freedom Rating ခေါ် လွတ်လပ်မှုညွှန်းကိန်း (ရ) ရပါတယ်။ ဒီတော့ နိုင်ငံအမျိုးအစားအနေနဲ့ NOT FREE ဆိုတဲ့ လွတ်လပ်မှု မရှိတဲ့ နိုင်ငံအမျိုးအစားမှာ ပဲရှိပါတယ်။ ၂ဝ၁၂ FREEDOM HOUSE ရဲ့စစ်တမ်းအရ ကတော့ political rights မှာ အနိမ့် ဆုံး (ရ) မှာ ရှိပြီး civil liberties မှာတော့ နှစ်ပေါင်းမြောက်မြားစွာ အတွင်း ပထမဦးဆုံးအကြိမ်အဖြစ် တဆင့်မြင့်ပြီး (၆) ကိုတက်လာပါတယ်။ ဒီတော့ Freedom Rating = 7+6 = 13/2 = 6.5 ဖြစ်လာပါတယ်။ ၂ဝ၁၃ မှာတော့ မြန်မာနိုင်ငံဟာ political rights မှာ အနိမ့် ဆုံး (ရ) ကနေ (၆) ကိုတက်လာပါတယ်။ Civil liberties မှာတော့ (၆) ကနေ (၅) ကိုတက်လာပါတယ်။ Freedom Rating = 6+5 = 11/2 = 5.5 ဖြစ်လာပါတယ်။ NOT FREE လွတ်လပ်မှုမရှိတဲ့ နိုင်ငံအမျိုးအစား ထဲမှာ ရှိနေသေးပေမဲ့ PARTLY FREE ဆိုတဲ့ ၃.ဝ နဲ့ ၅.ဝ ကြားကို ရောက်လာဖို့ ဒဿမ ၅ လိုနေပါသေးတယ်။

FREEDOM HOUSE ရဲ့ Freedom in the World ညွှန်းကိန်း နဲ့ သူတို့ရဲ့ နှစ်ချုပ် စစ်တန်း အစီအရင်ခံစာ ကိုတော့ ကမ္ဘာမှာ ပေါ်လီစီ ချမှတ်တဲ့ နိုင်ငံရေးသမားတွေ၊ ပညာရှင်တွေ။ မီဒီယာတွေ နဲ့ နိုင်ငံတကာ အဖွဲ့အစည်း တွေက တကမ္ဘာလုံး မှာ လွတ်လပ်မှု ရဲ့ အတက်အကျ ရေစီးကြောင်း ကိုစောင်ကြည့် လေ့လာဖို့ အထောက်အကူ တခု အဖြစ် အသုံးပြုကြပါတယ်။ ဒါပေမဲ့ FREEDOM HOUSE ရဲ့အာဘော်ကိုတော့ အမေရိကန် အစိုးရ က တောင် အရေးတယူ လုပ်ခြင်မှလုပ်တာပါ။ ဥပမာ တလော က သမတ ဦးသန်းစိန် ကို အမေရိကန် သမတ အိုဘားမှာ က အမေရိကန် နိုင်ငံ ကို အလည် အ ပတ် လာဖို့ ဖိတ်ကြားတာကို FREEDOM HOUSE က အချိန်စောနေသေးကြောင်း ထောက်ပြပေမဲ့ အရာ မ ရောက်ခဲ့ ပါ ဘူး။

၂ဝ၁၂ ခုနှစ် FREEDOM HOUSE score မှာ မြန်မာနိုင်ငံ ရဲ့ civil liberties ခေါ် နိုင်ငံသား လွတ်လပ်ခွင့် ညွှန်းကိန်း ဟာ (ရ) ကနေ (၆) ကို တက် သွားရတဲ့ အကြောင်း ရင်း ကတော့ ၂ဝ၁၂ ခုနှစ်မှာ ပြည်သူလူထုအကြား နိုင်ငံရေး ဆွေးနွေးပွဲတွေမြင့်တက်လာတာရယ်၊ မီဒီယာ မှာ နိုင်ငံရေး နဲ့ တ ခြား သတင်းတွေ စုံစုံလင်လင်ဖေါ်ပြခွင့် ရှိလာတာ ရယ် ပညာရေး လောက မှာ ကန့်သတ်ချုပ်ချယ်မှု တွေ လျော့ချလာတာရယ် ကြောင့် ဖြစ်တယ် လို့ သိ ရ ပါတယ်။

၂ဝ၁၃ ခုနှစ် FREEDOM HOUSE score မှာ မြန်မာနိုင်ငံ ရဲ့ civil liberties ခေါ် နိုင်ငံသား လွတ်လပ်ခွင့် ညွှန်းကိန်း ဟာ (၆) ကနေ (၅) ကိုတက်သွားပြီး political rights မှာ (ရ) ကနေ (၆) ကိုတက်သွား ရတဲ့ အကြောင်း ရင်း တွေ ကတော့ NLD အပါအဝင် အတိုက်အခံပါတီတွေ ဟာ ကြားဖြတ်ရွေးကောက်ပွဲ မှာ ဥပဒေပြုလွှတ်တော်ထဲကို ပါဝင်လာနိုင်တာ၊ မီဒီယာလွတ်လပ်ခွင့်၊ တဦးခြင်း နိုင်ငံရေးဆွေးနွေးခွင့်၊ လူထုစည်းဝေးပွဲတွေ ကျင်းပခွင့်၊ အရပ်ဘက် အဖွဲ့အစည်းတွေရဲ့လွတ်လပ်ခွင့်၊ ပုဂ္ဂလိက လုပ်ငန်းတွေထူထောင်ခွင့် နဲ့ တခြားလှုပ်ရှားမှုအမျိုးမျိုးမှာ ဆက်လက် ပြီး ဖြေလျော့မှု တွေ ရှိလာတာကြောင့် ဖြစ်တဲ့အကြောင်းသိရပါတယ်။

၂ဝ၁၃ ခုနှစ် အတွင်း NOT FREE ဆိုတဲ့ နိုင်ငံပေါင်း (၄ရ) နိုင်ငံ ထဲမှာ Eritrea, Equatorial Guinea, North Korea, Saudi Arabia, Somalia, Sudan, Syria, Turkmenistan နဲ့ Uzbekistan နိုင်ငံ (၉) နိုင်ငံ ဟာ political rights နဲ့ civil liberties မှာ အနိမ့်ဆုံး အဆင့် (ရ) မှာရှိနေကြပြီး အဲဒီလို လွတ်လပ်မှု အနိမ့်ဆုံး (ဝါ) အဆိုးဝါးတကာ့အဆိုးဝါးဆုံး အဆင့် မှာ Tibet နဲ့ Western Sahara ဒေသ (၂)ခုလည်းပါဝင်နေပါတယ်။

နှစ်ပေါင်းမြောက်မြားစွာ ကမ္ဘာ့ အဖိနှိပ်ဆုံး အစိုးရစာရင်းထဲမှာရှိနေခဲ့သော်လည်း မြန်မာနိုင်ငံဟာ ၂ဝ၁ဝ ခုနှစ်မှာ စတင်ခဲ့တဲ့ ဒီမိုကရေစီ ပြုပြင် ပြောင်းလဲရေးတွေကို ဆက်လက်ပြီးလုပ်ဆောင်နေတဲ့အကြောင်း၊ မြန်မာနိုငံဟာ NOT FREE ဆိုတဲ့ နိုင်ငံအမျိုးအစားထဲမှာ ရှိနေသေး သော် လည်းပဲ သူ့ရဲ့ လွတ်လပ်မှုညွှန်းကိန်း တွေဟာ political rights မှာရော civil liberties မှာ ပါ နယ်ပယ် (၂) ခုစလုံးမှာ အိမ်နီးချင်းတရုတ် နိုင်ငံကို ကျော်တက် နိုင်ခဲ့ တဲ့ အကြောင်း FREEDOM HOUSE ရဲ့ ၂ဝ၁၃ ခုနှစ် စစ်တမ်းမှာ ဖေါ်ပြထားပါတယ်။

FREEDOM HOUSE ရဲ့စစ်တမ်းကို အနောက်တိုင်း ပညာရှင်တွေရဲ့ လက်တွေ့မကျတဲ့၊ အမြင် သက်သက် လို့ဆိုကောင်း ဆိုကြ ပါ လိမ့်မယ်။ လွတ်လပ်မှု ဆိုတာကြီးကို အမှတ်ပေးစနစ်နဲ့ တွက်တာ ဟာ လက်တွေ့ ကျသလား၊ မကျဘူးလား အငြင်းပွားစရာ ရှိနိုင်ပါတယ်။ ဒါပေမဲ့ FREEDOM HOUSE ရဲ့ အဆိုအရပြောရရင် သူတို့စစ်တမ်း မှာပါတဲ့ နိုင်ငံတခုရဲ့ လွတ်လပ်မှု ညွှန်းကိန်းတွေ ကိုကြည့်ပြီး အဲဒီ နိုင်ငံရဲ့ အခြေအနေမှန်ကိုပြဆိုတဲ့ ပကတိ ညွှန်းကိန်းတွေလို့ သူတို့ကိုယ်တိုင်ကလည်း မယူဆပါဘူး။ ဒါပေမဲ့ ယေဘုယျ သဘောအားဖြင့် နိုင်ငံတခုမှာ ဒီမိုကရေစီ လွတ် လပ်ခွင့် ဘယ်အတိုင်း အတာ အထိ ရှိသလဲ ဒါမှမဟုတ် လွတ်လပ်မှု ကိုဖိနှိပ်ချုပ်ချယ်တဲ့ အတိုင်းအတာ ဘယ်အထိရှိနေသလဲဆိုတာကို တွက်ချက်နိုင် ဖို့အတွက်တော့ အတိုင်း အတာ တခုအထိ တော့ အထောက်အကူ ပြုမှာ ဖြစ်ပြီး နိုင်ငံတခု နဲ့တခုကိုနှိုင်းယှဉ်ရာမှာ ၄င်း၊ နိုင်ငံတခုရဲ့ အရှည်သဖြင့်သော တိုးတက်ပြောင်းလဲမှု ဆုတ်ယုတ်မှု စတာတွေကို၎င်း တန်ဘိုး ရှိရှိ အထောက် အကူ ပြုနိုင်မယ်လို့ ဆိုပါတယ်။ နောက်ပြီး FREEDOM HOUSE ရဲ့ စစ်တမ်းတွေကို နိုင်ငံတကာ အဖွဲ့အစည်းတွေ၊ ဒေသဆိုင်ရာနဲ့ နိုင်ငံတကာ မီဒီယာတွေ နဲ့ FREEDOM HOUSE ရဲ့ နိုင်ငံတခုခြင်းဆိုင်ရာ ပါရဂူတွေ ကအဆင့်ဆင့် စစ်ဆေးတာ၊ ဆွေးနွေး ငြင်းခုံတာတွေလုပ်ပြီးမှ ထုတ်ပြန်တာဖြစ်တယ်။ နိုင်ငံအသီးသီး ရဲ့အစိုးရတွေကို၎င်း၊ အစိုးရတွေရဲ့ လုပ်ဆောင်ချက်တွေကို၎င်း ညွှန်းကိန်း မတွက်ချက် တဲ့အပြင် အစိုးရတွေရဲ့ ထုတ်ပြန်ချက် တွေ၊ ပေါ်လီစီတွေကိုအခြေမခံပဲ တကယ့်လက်တွေ့ ပြည်သူတဦးချင်းစီ ရဲ့ ခံစားရရှိတဲ့ လွတ်လပ်မှု ကိုအာရုံပြုပြီး စစ်တမ်း ထုတ်တယ် လို့သိရပါတယ်။ နောက်ပြီး လွတ်လပ်မှု နဲ့ပတ်သက်ပြီး တိုင်းပြည်တွေရဲ့ ယဉ်ကျေးမှု ဓလေ့ ထုံးတမ်းအမြင်တွေ [ ဥပမာ “လုပ်အားပေးတယ်ဆိုတာ ထုံးတမ်းစဉ်လာ မြန်မာ့ယဉ်ကျေးမှု တခုပါ” ဆိုတဲ့ မဆီမဆိုင် ဆင်ခြေဆင်လက်မျိုး၊ “အာရှတန်ဘိုး”၊ “ဘာသာရေးဆိုင်ရာဥပဒေ” စသည်တို့] ကိုအခြေမခံပဲ ကုလသမဂ္ဂ အဖွဲ့ဝင်နိုင်ငံတွေက သဘောတူလက်ခံထားကြတဲ့ Universal Declaration of Human Rights ထဲက သင့်တော် ဆီလျော်တဲ့ အပိုင်းတွေကို အခြေခံပြီး political rights နဲ့ civil liberties စံနှုန်းကို နိုင်ငံတိုင်း အတွက် တပြေးညီ တွက်ချက်ပါတယ်။ ဒီတော့ FREEDOM HOUSE ရဲ့ စစ်တမ်းနဲ့ လွတ်လပ်မှုညွှန်းကိန်း တွက်ချက်မှုတွေဟာ ရာနှုန်းပြည့် ဓမ္မဓိဋ္ဌာန် (objectivity) ကျတယ် လို့ မဆို သာ သည့် တိုင်အောင်၊ ဆန္ဒစွဲ ပုဂ္ဂလဓိဋ္ဌာန် (subjectivity) ကင်းကင်းရှင်းရှင်းရှိတယ်လို့ဆိုနိုင်ပါတယ်။

မြန်မာ နိုင်ငံနဲ့ပတ်သက်တဲ့ လွတ်လပ်မှုညွှန်းကိန်းတွေ နဲ့ ရှည်လျားတဲ့ ၂ဝ၁၃ ခုနှစ် စစ်တမ်း ကို အတိုဆုံး ခြုံ့ပြောရရင် “မြန်မာ နိုင်ငံတွင် အရင် နဲ့ စာရင် လွတ်လပ်မှု ပိုမိုရှိလာတာကို လက်တွေ့ မြင်တွေ့ နေရပြီဖြစ်ကြောင်း… သို့သော်ငြားလည်း လွတ်လပ် မှု မရှိသောနိုင်ငံစာရင်းထဲတွင် ရှိနေသေး ကြောင်း အစီရင်ခံ အပ်ပါသည်ခင်ဗျား…” လို့ ပဲ ကောက် ချက် ချလို့ ရမယ်ထင်ပါတယ်။ ဒါဆိုရင် မြန်မာ ပြည်သားတွေကြားထဲမှာ လွတ်လပ်နေပြီ ပြောင်းလဲနေပါပြီလို့ ပြောသူတွေ နဲ့ မပြောင်းလဲသေးပါ၊ မလွတ် လပ် သေး ပါလို့မြင်နေသူ အမြင် အမျိုးမျိုး ကွဲနေတာကိုပဲ FREEDOM HOUSE ကရောင်ပြန်ဟပ် နေသလိုမျိုး ယူဆ ရပါကြောင်း FREEDOM HOUSE ရဲ့ မြန်မာနိုင်ငံ အတွင်း ဒီမိုကရေစီပြုပြင်ပြောင်းလဲမှု နဲ့ပတ်သက်ပြီး တွေ့ရှိချက်အမြင် တွေကို အကျဉ်းရုန်းဖေါ်ပြရင်း နောင် နှစ် ၂ဝ၁၄၊ ၂ဝ၁၅ တွေမှာ တိုးတက်လာမလား ဒါမှမဟုတ် ဒီမိုကရေစီခရီး ကိုနှောင့်နှေးစေတဲ့ ဆုတ်ယုတ် နိမ့်ဆင်းမှု မျိုးရှိလာမလား ဆိုတာကိုတော့ စိတ်ဝင်စားစရာ စောင့်ကြည့် ကြရမှာ ဖြစ်ကြောင်းတင်ပြလိုက်ပါတယ်။

ဆလိုင်းကစ်(ပ်)ခိုလျန်
eMail: salai.kipp@gmail.com
ဟမ်းဘတ်၊ သြဂုတ်လ ၂ဝ၁၃။

ဆက်လက် ဖတ်ရှုရန်။
၁။ Freedom in the World 2013 / Burma http://www.freedomhouse.org/report/freedom-world/2013/burma
၂။ Freedom in the World 2013 / Democratic Breakthroughs in the Balance http://www.freedomhouse.org/report/freedom-world/freedom-world-2013
၃။ FREEDOM HOUSE ၏ လွတ်လပ်မှုညွှန်းကိန်း တွက်ချက်ရာတွင်အသုံးပြုသော ၂ဝ၁၃ ခုနှစ် မေးခွန်းများ။ http://www.freedomhouse.org/report/freedom-world-2013/checklist-questions-and-guidelines

Advertisements

Written by mike16os

September 3, 2013 at 8:58 pm